Тарик Едиз го тргна превезот на таинственоста од третата свадбена колекција креирана во неговото ателје. Турскиот дизајнер откри како изгледа современата невеста во неговите модни визии.
Колекцијата 2015 е фузија на сензуалност, женственост и сексапил и е совршено продолжение на претходната свадбена бајка на брендот. Фустаните во традиционална бела боја се изработени од луксузни ткаенини како тантела, свила, органза, шифон и тул.
Колекцијата е дизајнирана, шиена и декорирана во Истанбул, а оттаму веќе започна да се распространува низ 80-те продажни места низ целиот свет, каде што е присутен Едиз.
