ФОТО: Најскапата торта на светот е украсена со 4.000 дијаманти и чини 75 милиони долари

Дизајнерката Деби Вингам е позната низ светот по своите модни креации со вртоглави цени, а сега таа ја создаде и најскапата торта на светот. Нејзиното слатко дело претставува модна писта украсена со 4.000 вистински дијаманти и чини неверојатни 75 милиони долари.

Вингам беше ангажирана од родители од Арабија за да создаде спектакуларна торта по повод роденденот и свршувачката на нивната ќерка.

Тортата е долга речиси два метра и тежи 450 килограми. Таа вклучува мини верзии од креации на Вингам, а дел од нив се инспирирани од креациите кои претходно ги имала изработено за богатото семејство.

За изработка на тортата 33-годишната Британка потрошила 1.100 часа. Слатката модна писта е украсена со илјадници скапоцени камења, меѓу кои розов дијамант од 5,2 карати, 6,4-каратен жолт дијамант, 400 1-каратни и 73 3-каратни бели дијаманти и 75 црни дијаманти од три карати.

„Почестена сум што тортата беше голем успех и клиентите и гостите беа одушевени“ – изјавила Деби. „Навистина уживам во необични проекти и планирам да продолжам да создавам невообичаени торти, кои се повеќе како уметност која може да се консумира“ – додала таа.

Во 2013 година, Деби го создаде најскапиот фустан на светот кој чинеше 15,9 милиони долари.

Фустанот од 15,9 милиони долари, дизајниран од Деби