Шер стана заштитно лице на Марк Џејкобс. Легендарната музичка ѕвезда плени со мрачен гламур на првата фотографија од кампањата есен/зима 2015. Зад фотосесијата стои Дејвид Симс.
Ангажирањето на 69-годишната пејачка не треба да биде големо изненадување, бидејќи неодамна Џејкобс отворено призна дека во минатото одблиску го следел нејзиниот стил.
На почетокот на месецов Шер и Марк се појавија заедно на балот МЕТ во Њујорк. Се разбира, Шер носеше креација токму од својот придружник.
