Списанието „Плејбој“ очигледно се менува. Иако во минатото беше симбол на еротика и неговите страници беа преполни со разголени зајачици, од неодамна во него не се објавуваат фотографии со голи жени.
Во најновото издание на „Плејбој“ за првпат се појавува муслиманка со хиџаб. Станува збор за Нор Тагури, новинарка во Newsy. 22-годишната девојка воопшто не е во провокативна облека, туку носи патики, кожена јакна, црни фармерки и бела маичка.
Фотографиите и интервјуто со Нор се објавени во специјална рубрика посветена на „луѓе кои ризикувале сè, дури и нивните животи за да го прават она што го сакаат, покажувајќи ни што сè може да биде постигнато ако ги кршиме правилата“.
Целта на Нор е да стане првата водителка која носи хиџаб на комерцијална телевизија во САД.
Додека многумина испратија пофалби кон Нор за нејзината храброст, на нејзиниот профил на Instagram непрекинато стигнуваат пораки полни со навреди, закани и многу гадни зборови.
„Правете добро, останете бестрашни и запомнете дека сè што сакате е надвор од вашата комфорна зона“ – советува таа.
