Ели Сааб раскажа нова модна приказна во Париз. Мрачна романтика владее во колекцијата есен/зима 2014-2015 презентирана во градот на светлината.
Либанскиот дизајнер си поигра со мистични цветни принтови, „омбре“ ефект и темни бои како заводливо бордо, длабоко тиркизно и безвременско црно. Крзното и кадифето ја зголемуваа динамиката и зборуваа за луксуз, додека провидните ткаенини и високите шлицови го потенцираа сексапилот.
Колекцијата беше прикажана за време на Париската модна недела, а видеото од ревијата веднаш беше поставено на сајтот на дигиталниот магазин кој Сааб го лансира денес, „The Light Of Now“.
