Ели Сааб како стилски магионичар континуирано се раководи по успешна формула за остварување на женските модни фантазии. Либанскиот дизајнер со колекцијата pre-fall 2015 навлегува во водите на мрачната романтика и ротира околу елементи типични за номадската облека.
Црната боја лежи во темелите на раскошната колекција. Но, иницирајќи весел танц на погледот низ црвени, виолетови и зелени цветни мотиви поставени врз црна позадина, Сааб ја истражува и моќта на принтот.
Контрастот меѓу текстурите и експериментирањето со силуетите ѝ дава на колекцијата една нова димензија.
