Морнарски шик и романтика царуваат во новата колекција на Зухаир Мурад, која беше обелоденета со модна презентација.
Следејќи ја темата „Sailor Sensualité“, либанскиот дизајнер гравитира околу црвена, сина и бела боја. Златните копчиња, ремени и сандали им даваат на комбинациите дополнителен шарм. Освен со риги, Мурад за сезоната пролет/лето 2016 си поигра и со отпечатоци на усни и дезен инспириран од рози.
Женствените фустани со различни силуети, урбаните комбинезони и елегантните женски одела се креирани со идејата да ги задоволат и најпребирливите дами.
