Италијанската убавица Моника Белучи донесе грациозност на Канскиот филмски фестивал. 49-годишната актерка присуствуваше на премиерата на својот најнов филм „The Wonders“ (Le Meraviglie).
Без модни изненадувања, на црвениот килим харизматичната актерка зачекори во црна креација со чипка од модната куќа Долче и Габана и обувки од Кристијан Лобутин.
Само неколку часа претходно, Моника позираше на промотивен настан за новинарите во црвена креација со точкест принт, исто така од креаторското дуо Доменико Долче и Стефано Габана.
Долгиот аплауз по проекцијата и позитивните коментари од критичарите биле примени со одушевување од Белучи.
Наскоро таа ќе го прослави својот јубилеен педесетти роденден, но тоа не менува ништо во нејзиниот живот. „Денес сум среќна како секогаш, ништо не би променила во мојот живот“ – рекла Моника за Vanity Fair Италија.