H&M незапирливо го освојува модниот пазар. По успешната глобална кампања со Бијонсе, шведскиот бренд продолжи со претставување на летната колекција.
Во новата рекламна кампања учествува Џоан Смолс, најбараната манекенка во моментов, како и Шанел Иман и Камерон Расел, кои дефилираа на последната ревија на Victoria’s Secret.
Летната колекција се темели на белата боја, но исто така застапен е и денимот, како и лесните материјали со недефинирани принтови. Расел можеме да ја видиме и во бикини од актуелната колекција.
