H&M, еден од најпопуларните модни брендови, ја претстави својата колекција модни додатоци за претстојното лето.
Комфорните обувки на дебела потпетица, ниските платнени патики, модерните еспадрили и апостолки веднаш ги освоија срцата на модните зависнички и се вистински пример како во текот на летото можете да чекорите со стил.
Накитот доаѓа во металик и топли бронзени бои, коланите се тенки и во силни бои, а чантите во разни стилови, форми и големини.
Очилата за сонце и шеширите се сон за секоја тренди девојка. Сите овие прекрасни модели одговараат на модните додатоци кои спаѓаат во категоријата „must-have“ за ова лето.
