Оскаровска треска владее низ Холивуд. Само за неколку часа ќе започне модната парада на црвениот тепих и ќе стане јасно во чии раце ќе завршат престижните статуетки. Викендот пред самата манифестација беа одржани повеќе забави, како и доделувањето на Independent Spirit Awards.
„12 Years a Slave“ доминираше на Film Independent Spirit Awards со пет освоени награди, меѓу кои и за Најдобар филм. Наградата Најдобра актерка во споредна улога замина во рацете на Лупита Нионго.
Метју Меконахи беше прогласен за Најдобар актер, а Кејт Бланшет за Најдобра актерка. Џаред Лето ја доби наградата за Најдобар актер во споредна улога.
На самата манифестација присуствуваа многу ѕвезди. Анџелина Џоли се појави заедно со Бред Пит, кој е продуцент на најголемиот победник „12 Years a Slave“. Џоли и Пит носеа црна облека. 38-годишната актерка за вечерта избра црн фустан од Сен Лоран.
Погледнете како изгледаа холивудските ѕвезди на свеченостите пред Оскарите.
Анџелина Џоли и Бред Пит со Лупита Нионго
Метју Меконахи и Камила Алвес
Декс Шепард и Кристен Бел
