Откако стивнаа последните аплаузи за добитниците на „Златен глобус“, ѕвездите се упатија кон многуте забави организирани по повод 72-рото издание на престижната манифестација. Исто така, многу славни лица кои не беа поканети на главната свеченост во хотелот Беверли Хилтон, се приклучија во прославувањето на забавите на InStyle, Warner Bros, Weinstein Company, Netflix...
Нина Добрев, Алесандра Амбросио и Шанел Иман заведуваа во фустани од Зухаир Мурад, Џенифер Лопез го потенцираше својот сексапил со бела креација од британската дизајнерка Аманда Вејкли, 48-годишната Селма Хајек изгледаше беспрекорно во префинет фустан од Гучи, додека Наоми шармираше во фустан со пердуви од Барбери.
Паз Вега како по обичај избра креација на Ели Сааб, Рита Ора се забавуваше во црвен фустан од Зак Позен, а нејзината пријателка Кара Делавин избра креација на Тиери Муглер.
Погледнете како изгледаа славните на гламурозните забави и оценете го нивниот стил.
