„Вог“ Париз со голема забава ја прослави 95-годишнината од постоењето. Настанот „Let’s Dance“ (Ајде да танцуваме) се разбира беше посветен на модата, а се одржа во рамките на Париската недела на модата.
„Сакам луѓето да танцуваат и да потат, а кога ќе се вратат дома, да ги болат нозете“ – изјавила Емануеле Алт, главната уредничка на француското списание.
Кендал Џенер се појави во елегантна креација од Шанел, Џиџи Хадид заведуваше во мини фустан од Версаче, Летиција Каста носеше фустан со животински принт од Версус Версаче, Дауцен Крус и Констанс Јаблонски зачекорија на црниот тепих во едноставни фустани од Келвин Клајн, додека Ријана во нејзиниот стајлинг вклучи проѕирна креација од Диор.
Погледнете го и оценете го стилот на гостинките.
