Филмските ѕвезди привремено се селат во францускиот град Кан. Синоќа официјално започна престижниот Кански филмски фестивал кој ќе трае до 25 мај, а со тоа беше означен стартот на трката за наградата „Златна палма“.
На отворањето на фестивалот беше прикажан филмот „Grace of Monaco“ за принцезата Грејс Кели, кој наиде на неодобрување од кралското семејство од Монако и на негативни критики од филмските критичари.
Главната ѕвезда во филмот, Никол Кидман, ги привлече објективите на фото-репортерите. 46-годишната актерка на црвениот тепих зачекори во син фустан со впечатливи сребрени декорации од високата мода на Армани.
Блејк Лајвли со воздржан сексапил заведуваше во бордо креација со висок шлиц од италијанската модна куќа Гучи.
Џанг Цији шармираше со футуристички гламур. На големото отворање таа носеше црно-бела креација од високата мода на Стефан Ролан.
Кендал Џенер избра црно-бел фустан од францускиот бренд Шанел.
Долгоногата манекенка Карли Клос се појави во драматична креација од чипка од Валентино.
Зое Салдана со префинет изглед мамеше воздишки со бела плисирана креација од Викторија Бекам.
Француската актерка Адел Ексаркопулос донесе модернистичка елеганција преку креација од Луј Витон.
Летиција Каста грациозно се движеше во волуменозна бела креација од Диор.
Паз Вега изгледаше беспрекорно во светла креација од либанскиот дизајнер Ели Сааб.
На отворањето шармираа и Германката Надја Ауерман (лево) и Одри Тату (десно).
