Синоќа во Њујорк се одржа гала вечер организирана од amfAR (Американската фондација за истражување на сидата). На црвениот тепих на хуманитарната вечер се појавија многу холивудски ѕвезди.
Критиките за најлош стајлинг на вечерта ги собра Линдзи Лохан, која иако беше меѓу најмладите гости, изгледаше барем 10 години постара. Ниту фустанот од Том Форд (кој воопшто не ѝ прилегаше на нејзината фигура), ниту новата боја на коса и слоевите шминка не ѝ помогнаа на Линдзи да покаже дека има 25 години.
За разлика од проблематичната Линдзи, останатите гостинки изгледаа многу години помлади. Домаќинка на префинетиот настан беше Сара Џесика Паркер, а меѓу гостите се најдоа Синди Крафорд, Елизабет Харли, Ерин Хатертон, Џулиен Мур, Хајди Клум, Лејтон Мистер, Каролина Куркова и Алекса Чанг.
