Критичарите ги избраа најдобрите во филмската индустрија за изминатава година. Во Лос Анџелес се одржа манифестацијата Critics’ Choice Awards, која привлече плејада холивудски ѕвезди.
„Boyhood“ беше прогласен за Најдобар филм, а им донесе награди и на Патриша Аркет за Најдобра актерка во споредна улога, на Ричард Линклејтер за Најдобар режисер и на Елар Колтрејн за Најдобар млад актер.
„Birdman“ беше најноминиран филм од критичарите, а до крајот на вечерта освои дури седум награди. Мајкл Китон за улогата во „Birdman“ ги доби наградите Најдобар актер и Најдобар актер во комедија.
Според критичарите, „The Grand Budapest Hotel“ е победник во категоријата Најдобра комедија, Џулиен Мур е Најдобра актерка („Still Alice“), Џеј Кеј Симонс е Најдобар актер во споредна улога („Whiplash“).
На синиот тепих, дамите привлекуваа погледи со елегантни креации. Анџелина Џоли се појави во сребрен флуиден фустан од Версаче, Џенифер Анистон стави акцент на деколтето со помош на костум од Гучи, Емили Блант избра црвена тоалета од Емилио Пучи, Розамунд Пајк шармираше во бел фустан од Валентино, додека наградената Џулиен Мур ѝ го довери својот изглед на модната куќа Сен Лоран.
Погледнете како изгледаа дамите и оценете го нивниот стил:
