Синоќа по 22. пат се одржа доделувањето на Critics’ Choice Awards. На манифестацијата беа наградувани најдобрите во филмскиот свет за 2016 година.
Критичарите го прогласија „La La Land“ за Најдобар филм. Натали Портман се закити со наградата за Најдобра актерка за портретирањето на Џеки Кенеди во филмот „Jackie“, додека статуетката за Најдобар актер му беше врачена на Кејси Афлек за улогата во „Manchester by the Sea“.
Сосем очекувано, наградата за Најдобра серија драма заврши кај екипата на „Game of Thrones“. „Zootopia“ стана Најдобар анимиран филм за годината што изминува.
Славните дами се потрудија да блеснат во најдобро светло и не експериментираа со својот изглед. Црно-бели креации доминираа на синиот тепих во Санта Моника, Калифорнија.
Фустани од Ели Сааб избраа Џесика Бил, Кери Вашингтон и Лили Колинс, Натали Портман го сокри трудничкото стомаче под креација од Александар МекКвин, Кејт Бекинсејл блесна во волуменозна креација од Рим Акра, а Никол Кидман се појави во црн фустан од Брендон Максвел.
Погледнете како изгледаа славните дами и оценете го нивниот стил:
