ФОТО: Мишел Обама во блескава креација од Версаче покрај Барак на официјална вечера во Белата куќа

Барак и Мишел Обама ја организираа својата последна официјална вечера во Белата куќа. 52-годишната прва дама на САД блескаше покрај својот сопруг во розово-златна креација од Версаче.

Впечатливата тесна креација е дизајнирана лично од Донатела Версаче. „Чест ми е што имам шанса да ја облекувам првата дама на САД, Мишел Обама. Ти благодарам Мишел, за сè што направи за Америка и за останатиот дел од светот, за жените во САД и во целиот свет“ – изјавила италијанската дизајнерка.

Вечерата беше организирана во чест на италијанскиот премиер Матео Ренци, кој на свеченоста беше придружуван од својата сопруга Агнез Ландини.

Претседателскиот мандат на Обама завршува во јануари следната година.