Миранда Кер е новото заштитно лице на „H&M“. Фотографиите од кампањата пролет 2014 ги канат клиентите на шведскиот моден бренд да ѕирнат во модната понуда за сончевата сезона.
Славната манекенка позира во црни, бели, розови и сиви креации кои му даваат слобода на телото при движење.
„Кампањата има вистински калифорниски кул стил и се фокусира на убавината на пролетта и урбаната средина“ – велат од „H&M“.
Познатата компанија наскоро ќе го отвори својот прв бутик во Австралија, па не е чудно што одлучи да соработува со привлечната Австралијка.
