ФОТО: Министерот Филипче на првиот роденден на ќеркичката на Јасмина Василковска, чии органи спасија три животи

Венко Филипче присуствуваше на роденденската прослава на малата Лара, ќерката на Јасмина Василковска чиј живот згасна прерано, но нејзините донирани органи спасија три лица.

„Среќен роденден Лара. Денеска ја запознав ќерката на Јасмина Василковска, жената донор на срце и бубрези, која неодамна спаси три човечки животи. Семејството ме покани во нивниот дом за да го запознаам ова девојче кое денеска полни 1 година. Голема да растеш Лара, здрава, безгрижна, храбра и секогаш насмеана. Благородноста и хуманоста наследи ги од твоето семејството кое остави вечен белег во историјата на македонското здравство“ – стои во пораката на министерот за здравство.

Откако кај Јасмина беше констатирана мозочна смрт, нејзиното семејство ја донесе најхумната одлука да ги донира органите. Нејзиното срце и бубрезите беа трансплантирани кај три пациенти.