Диор еднаш ги маѓепса своите потрошувачи со гламурозна кампања со Мила Кунис, па успешната соработка продолжува со втора кампања.
Софистицираната филмска ѕвезда застана пред објективот на Марио Соренти, што резултираше со црно-бели фотографии на кои е прикажана едноставна дамска елеганција. 28-годишната актерка влезе во улогата на холивудска ѕвезда од 50-тите години за новите рекламни фотографии за чантите Miss Dior.
Мила позира пред група љубопитни фотографи кои го следат секој нејзин чекор. Освен крупните препознатливи очи на Кунис, во центарот на вниманието се поставени малите чантички со синџирче на француската модна куќа.
