Мила Кунис и Ештон Кучер не сакаат да ја експонираат малата ќерка во јавност, но папараците успеаја да го фотографираат малото девојче за време на семејна прошетка.
Парот, кој се вери во февруари минатата година, беше фотографиран во близина на плажа во Лос Анџелес со ќерката Вајат Изабел.
Ѕвездите од „That '70s Show“ не кријат дека се пресреќни што станаа родители. „Неверојатно е. Тоа е најдоброто нешто на светот. Само што се роди детето, веднаш посакав да им се јавам на моите родители и да им се извинам, бидејќи дотогаш не знаев колку многу ме сакале“ – призна Ештон.
Во неколку интервјуа, 36-годишниот актер сподели дека немаат бебиситерка и дека самите се грижат за Вајат. „Немаме бебиситерка или медицинска сестра за да се грижи за бебето во ноќта. Само ние двајцата сме. Привилегирани сме што имаме време и што можеме да си дозволиме да не работиме“ – дополнил тој.
Пред Нова година на интернет се појавија семејни фотографии од божиќната честитка на Мила и Ештон.
Неодамна се појавија гласини дека Мила и Ештон веќе имаат стапено во брак, но тие сè уште го немаат потврдено или негирано тоа.