Многу млади девојки претставуваат мејкап туторијали онлајн. Меѓу нив е и Анамари Тендлер, девојката која во март си постави мисија да креира колку што е можно повеќе различни изгледи со помош на шминка.
Анамари црпи инспирација од најразлични случувања како Ноќта на вештерките (страшните маски од шминка), легализирањето на хомосексуалните бракови (шминката со виножито), смртта на Елизабет Тејлор (шминката тип Клеопатра) и сл.
И покрај тоа што е мејкап артист, младата блогерка не сака многу шминка врз своето лице и секојдневно носи минимална шминка. Таа има само еден совет за жените: „Користете маскара“.
