Меган Маркл сними фотосесија и даде свое интервју за „The Cut“.
41-годишната сопруга на принцот Хари позираше во креации од брендови како Tory Burch, Bottega Veneta, Chanel и Proenza Schouler.
Додека живееја во Велика Британија, Меган и Хари честопати беа напаѓани од медиумите и од јавноста дека ги трошат парите на народот, па предложиле да започнат сами да заработуваат.
„Мислевме дека тогаш целата врева ќе престане“ – изјавила Меган и дополнила дека за да го направат тоа, одлучиле дека е најдобро да заминат од Велика Британија.
„Само со нашето постоење ја нарушувавме динамиката на хиерархијата. Затоа одлучивме ‘ОК, добро, ајде да си одиме од овде’“ – дополнила Меган.
Неодамна, Меган започна да води подкаст насловен „Archetypes“, преку кој јавноста ќе ја запознае подобро, а откри и дека ќе се врати повторно на Instagram.
