Меган Фокс се врати во форма само осум недели по породувањето. 26-годишната актерка била фотографирана во Беверли Хилс, додека се упатувала на прикажувањето на својот нов филм „This Is 40“.
Облечена во тегет сако и фармерки, црна блуза и обувки Кристијан Лобутин, убавата бринета изгледа прекрасно, па тешко е да се поверува дека го роди првото дете пред само два месецa.
Меган и нејзиниот сопруг Брајан Остин Грин го добија синчето Ноа на 27 септември. „Го родив нашиот син Ноа Шенон Грин на 27 септември. Тој е здрав, среќен и совршен. Почестени сме што имаме можност да се наречеме родители на оваа прекрасна душа и секогаш ќе му бидам благодарна на Бог што ми дозволи да го запознам овој вид на безгранична, беспрекорна љубов“ – напиша Фокс во пораката со која го објави породувањето.
