Медлин Стјуарт, инспиративната тинејџерка со Даунов синдром која го освои модниот свет, сними свадбена фотосесија.
На фотографиите, 18-годишната тинејџерка позира во различни невестински фустани покрај модел. Фотосесијата е дело на Сара Хјустон, а поттикна многу позитивни коментари на социјалните мрежи, во кои никој не штедеше комплименти за Медлин.
Стјуарт не престанува да ја исполнува мисијата која си ја постави пред неколку години – да ги промени перцепциите на луѓето за вистинската убавина. Во февруари оваа година, таа по вторпат зачекори на модната писта на Њујоршката модна недела.
