Изминатиот викенд се одржа изборот Miss Deaf World 2017 во Прага, Чешка. На натпреварот за убавина учествуваа девојки со оштетен слух од повеќе земји ширум светот.
На престижниот избор, Марија Пупоска со својата скромност и убавина ја претставуваше Македонија, како членка на Националниот сојуз на глуви и наглуви.
Пупоска изгледаше шармантно во бела креација од битолскиот дизајнер Андреј Папаз. Таа се стекна со титулата прва придружничка.
Главната круна ѝ припадна на претставничката од Тајланд, додека за втора придружничка беше прогласена учесничката од Белорусија.
Македонија (лево), Тајланд (во средината), Белорусија (десно) 
Девојката од Чешка стана Мис Европа, а натпреварувачката од Кина беше избрана за Мис Азија.
