ФОТО: Мајка ја претвора ќеркичката во принцезите на Дизни, оживувајќи ѝ ги омилените бајки

Мајка пронајде прекрасен начин за да ѝ ги оживее на ќеркичката омилените детски бајки и истовремено да ја развие нејзината креативност.

Фотографката Камелија Кортс ја трансформира малата Лејла во омилените ликови од приказните на Дизни, создавајќи магични фотографии. Креативната Канаѓанка го започнала проектот „The Magical World of Princesses“ кога ќерка ѝ имала само 5 години.

„Проектот The Magical World of Princesses ми е многу драг. Тој се роди од мојата љубов и од љубовта на мојата ќерка за Дизни и го трансформираше моето креативно око“ – објаснува Камелија.

Таа вели дека не ја форсира својата ќеркичка да позира на одреден начин, туку дека ѝ дозволува да ја користи својата фантазија и креативност.

„Лејла обично не сака да позира долго време. Разговараме пред секоја фотосесија за позите и таа знае што точно да очекува. Откако еднаш ќе го облече костимот, добива многу идеи и секогаш ѝ дозволувам таа да ме води. Ова е исто толку моја работа, колку што е нејзина. Ми се допаѓа тоа што таа сака да биде креативна со позите. На нејзиното лице се гледа дека таа се забавува, а јас не сакам да ѝ ја уништам креативноста“ – вели талентираната мајка.