ФОТО: Мајка ги овековечува слатките дружби на синчето и семејното куче родени на ист ден

Фотографка од Чикаго создава драгоцени спомени за својот син, овековечувајќи го неговото пријателство со семејното куче со кое се родени на ист ден.

Ивет Ајвенс и нејзиниот сопруг биле во потрага по домашно милениче со кое ќе расте и игра нивниот син Дилан кога го пронашле кучето Фарли. Фарли бил роден на ист ден со Дилан, па Ивет знаела дека е судено малиот француски булдог да стане дел од нивното семејство.

Како што растеле, Дилан и Фарли станувале сè поблиски и поблиски. Сакајќи да му овозможи прекрасен спомен на својот син, посветената мајка решила преку фото-серијал да ги овековечи заедничките моменти на неодоливото дуо.

„Фарли е секогаш околу нас и го следи Дилан насекаде. Трпеливо си игра со него и се обидува да не грчи додека спијат. Искрено, тоа е најнеодоливата врска – чиста, безусловна, незаменлива и нераскинлива“ – изјавила Ивет за The Huffington Post.

„Фарли всушност ми помага многу. Го чисти нередот откако Дилан ќе дојаде и секогаш му го лижи вратчето на Дилан кога плаче, па тој започнува да се смее на цел глас. Многу е слатко“ – рекла 25-годишната фотографка.