Ѕвезден блесок ги хипнотизираше гостите на ревијата на Зухаир Мурад во Париз. Либанскиот дизајнер се инспирираше од волшебната убавина на вечерното небо и вселената за колекцијата висока мода есен/зима 2015-2016.
Гламурозните креации беа украсени со безброј минијатурни кристали и сјајни мониста и елегантни колани со ѕвезди. Палетата ротираше околу префинети нијанси кои асоцираа на скапоцени камења – сафир, смарагд, аметист, рубин...
За големото финале, Мурад подготви бела волуменозна креација и превез прекриен со ѕвезди.
