Париската недела на високата мода донесе на сцената деликатни невестински фустани, изработени рачно од луксузни ткаенини и илјадници мониста, кристали и камења.
Британската модна куќа Ralph & Russo ги тргна завесите на таинственоста и откри како течеше шиењето на невестинскиот фустан кој ја „затвори“ неодамнешната ревија.
Згодната Ана Беатриз Барос изгледаше кралски на пистата во долгата венчаница за која биле искористени 700 метри чипка. „Ја избравме Ана, бидејќи таа навистина ја олицетворува невестата на Ралф и Русо оваа сезона. Таа е елегантна, но и силна“ – изјавила Тамара Ралф за британскиот „Вог“.
Креациите од високата мода достигнуваат цена и до стотици илјади долари.