Лорен Конрад многу добро знае што сакаат девојките. 27-годишната дизајнерка постојано изненадува со лежерни шик колекции кои успешно го ловат погледот на илјадници нејзини обожавателки.
Најновата колекција LC by Lauren Conrad е идеална за сончевите летни денови. Зачувувајќи го ултра женствениот стил со кој се прослави, Конрад креираше романтични фустани, тесни панталони, лесни кошули и нежни блузи.
Цветниот ретро принт, доминантната бела боја и чипката ја истакнуваат нежноста во колекцијата наменета за возбудливите летни авантури.
