Лорен Конрад со нов изглед ја краси насловната страница на списанието Marie Claire. 27-годишната дизајнерка и писателка ја покажа новата посветла фризура со шишки, од популарниот селебрити фризер Крис МекМилан.
Летната фотосесија била направена во Мајами од фотографот Реган Камерон.
Во интервјуто за списанието, Конрад признала дека и покрај тоа што има многу обожаватели, редовно е мета на негативни критики кои научила да ги игнорира. „Секогаш ќе има по малку... негативност. Сфаќаш дека тоа не е важно. Толку е едноставно, но истовремено е и тешка лекција за учење. На крајот на денот, тоа не те засега на никаков начин“ – изјавила таа.
Конрад зборувала и за своето ново момче, музичарот Вилијам Тел: „Тој е многу добар за мене, затоа што имаме многу заеднички работи. За првпат сум со некој на кого не треба да му објаснувам одредени нешта. Тој има искуство во шоу-бизнисот, па разбира многу работи кои луѓето не ги сфаќаат“.
Вилијам Тел и Лорен Конрад