Леонардо Дикаприо е лицето од насловната страна на октомвриското издание на машкото списание GQ. Облечен во стилот на големата ѕвезда Џејмс Дин, Леонардо како и секогаш изгледа мажествено и атрактивно.
Само неколку недели пред премиерата на филмот „J. Edgar“, во кој главната улога ја има Леонардо, а режисер е Клинт Иствуд, двајцата актери во интервју за списанието зборуваа за парите и успехот.
Клинт Иствуд и Леонардо Дикаприо
„Во текот на мојата кариера никогаш не знаев кој мој филм носи голема заработка, а кој не. Кога излезе Титаник, луѓето ми велеа: Дали сфаќаш каков успех е ова?, а јас ќе им речев: Да, да, хит е. Парите никогаш не ми беа важни додека не наполнив 30 години и не се заинтересирав за продуцирање, и луѓето започнаа да ми покажуваат графици и табели за да ми објаснуваат за финансиите на филмовите, колку ќе заработам од странство, а колку од домашниот пазар“ – изјавил Дикаприо.
36-годишниот актер призна дека би сакал некогаш да стане и режисер и тоа со истиот пристап што го има Клинт Иствуд.
