Лејтон Мистер во соработка со Џими Чу направи стилски фото-дневник, претставувајќи ги своите омилени модели од колекцијата пролет/лето 2015 на модниот бренд.
За фотосесијата, Мистер позираше во креации инспирирани од стилот на 70-тите, промовирајќи ги обувките и модните додатоци за топлата сезона. Ерик Реј Дејвидсон бил задолжен за фотографиите.
Ѕвездата од „Gossip Girl“ за време на фотосесијата споделила што ја инспирира. „Интелигентни, страсни жени кои се борат за образованието, рамноправноста и охрабрувањето на другите, како и жените и мажите кои ги поддржуваат“ – рекла 28-годишната актерка и пејачка.
Кога станува збор за нејзиниот стил на црвениот тепих, таа вели: „Сакам да експериментирам, а стилот ми се менува во зависност од расположението, но комфорот ми е најважен.“
На прашањето кои се стилските икони на кои се огледува, Лејтон одговорила: „Дајен Китон и Стиви Никс.“
