Лана Дел Реј е лицето од септемвриското издание на „Fashion“. За корицата на списанието, 29-годишната пејачка позираше во сина наметка во кралски стил од Blumarine.
Фотографот Крис Николс стои зад фотографиите од едиторијалот.
Во интервјуто за списанието, Лана зборувала за тригодишната врска со поранешниот партнер Бери Џејмс О’Нил. „Јас сум мрачен лик, а тој е уште помрачен лик од мене... Беше многу убаво, но и многу тешко. Би сакала да сретнам некој со кого ќе го споделам животот и со кого ќе се омажам. Исто така, би сакала деца. Се надевам дека нема да бидат лоши како што сум јас“ – рекла таа.
Популарноста на Лана ѝ донесе многу комплименти, но и многу критики. За негативните коментари, таа вели: „Тешките критики те ослободуваат, затоа што не ти оставаат друг пат освен да бидеш потполно себеси“.
Лана вчера го објави својот спот за „Ultraviolence“.