Со својот ретро гламурозен стил Лана Дел Реј освои многу обожаватели, па воопшто не е чудно што многу компании се обидуваат да ја привлечат да ги промовира нивните производи. По соработката со шведскиот гигант H&M, Лана ја прифати и понудата на Jaguar.
Лана е заштитно лице на новиот спортски автомобил со две седишта на луксузниот бренд, кој ќе биде објавен наредниот месец во Париз.
По повод новата соработка беа објавени и фотографии од гламурозна фотосесија на плажа.
„Привлечноста на Jaguar во главно се должи на неговата двојственост – уникатен спој од автентичност и модернизам, две вредности кои веруваме дека ни се заеднички со Лана во нејзините професионални достигнувања“ – изјавил Адриан Хелмар, глобален бренд директор на Jaguar.