Лана Дел Реј најчесто блеска во ретро издание инспирирано од стилот во 50-тите години, но сега ја покажува и својата хипи страна.
За списанието „Madame Figaro“, 26-годишната пејачка позираше во хипи облека, карактеристична за 60-тите и 70-тите години.
Фотосесијата за француското списание ја направи истакнатиот фотограф Жан-Батист Мондино.
Лана освои милиони обожаватели со својот нестандарден ретро имиџ и веднаш го привлече вниманието на модниот свет. „Уште како дете се чувствував поразлична. Отсекогаш сакав да го претворам својот живот во уметност“ – изјавила таа.
Во интервјуто за списанието, таа открила дека била проблематична во тинејџерските години. Започнала да пие на 14 години, но на 16-годишна возраст се ослободила од тој порок. Нејзина најголема страст сепак останува пишувањето песни. „Кога успевам да ги пронајдам точните зборови за да ги опишам моите чувства, чувствувам пеперутки во стомакот“ – објаснила таа.
