ФОТО: Кристијано Роналдо покрај Џорџина и четирите деца на стадион во Ријад по трансферот
Кристијано Роналдо како вистинска ѕвезда беше дочекан во главниот град на Саудиска Арабија, Ријад, по неговиот трансфер во клубот „Ал Наср“.
37-годишниот фудбалер им беше претставен на илјадниците фанови на стадионот „Mrsool Park“, каде ја доби поддршката од Џорџина Родригез и четири од нивните пет деца.
„Јас и моето семејство сакаме да ви се заблагодариме на сите за оваа поддршка и вашето добредојде. Ќе го дадеме најдоброто. Фала ви на сите“ – рече тој и додаде дека неговата работа во Европа е завршена.
Договорот со португалскиот фудбалер ќе го чини „Ал Наср“ околу 200 милиони евра годишно.
