Откако ги освои женските срца со впечатливи обувки со црвен ѓон, Кристијан Лобутин го прошири своето портфолио со лакови за нокти, а сега преминува во нова категорија во декоративната козметика – кармини.
Францускиот дизајнер ќе пушти во продажба кармини во 38 нијанси со три различни финиши. Луксузните кармини доаѓаат и со висока цена (90 долари).
„Кога жена носи чанта, гледаме во нејзините рамена. Кога носи штикли, го следиме нејзиното чекорење. Ако нанесе лак на нејзините нокти, им се восхитуваме на нејзините раце. Предметот кој ги украсува усните, кои се оган на сензуалноста и орган на комуникацијата, мора да биде невистина прекрасен. Предметот треба да инспирира убав гест“ – се вели во соопштението од Лобутин.
