Кристијан Лобутин сними интересна фотосесија за „Paris is Dead“, магазинот кој го следи пулсот на градот на светлината и љубовта. Како роден парижанец, популарниот дизајнер го привлече вниманието на уредниците и застана пред објективот на Рене Хамбермахер во улогата на д-р Лобутин.
Облечен во бел мантил, Лобутин покажува неколку од своите модни дела. Фотосесијата „Убиствени штикли“ делува малку морничаво, бидејќи покажува повредени и мртви „жртви на модата“.
Во интервјуто за списанието, славниот Французин признал дека се чувствува како вистински парижанец. „Илјада проценти парижанец. Каде и да одам, го гледам Париз како Гриничкиот меридијан, тој е стандардот“ – рекол тој.
„Вистина е дека многу градови се интернационални, но Париз не е интернационален град и затоа го сакам. Ме ужаснуваат градови кои луѓето ги нарекуваат интернационални, бидејќи тоа често значи дека им недостига идентитет... Тоа е како оние ресторани кои служат фузирана храна. Париз не е фузирана храна, тој е Париз“ – коментирал талентираниот дизајнер.
