Единствениот потомок на последниот албански крал се ожени во Тирана.
Принцот Лека Втори и неговата избраничка Елија Захарија се заколнаа на вечна љубов. На свеченоста присуствувале припадници на над 20 кралски семејства од целиот свет.
Ова е прва кралска свадба во Албанија по 78 години. Во 1938 година, кралот Ахмед Зогу, дедото на Лека Втори, се ожени за Унгарката Гералдина. Само една година подоцна, парот беше принуден да ја напушти земјата поради окупацијата од страна на Италија.
Кралското семејство во Албанија нема специјален статус, ниту пак влијание врз политиката на државата.
