Класична елеганција за врвен стајлинг. Кралицата Летиција секогаш одушевува со својот моден избор, па на доделувањето на наградите „Принцезата од Астурија“ не направи исклучок.
На свеченоста во Овиедо, 43-годишната кралица изгледаше отмено во црн фустан со слоевито здолниште со омбре ефект. Креацијата доаѓа од ателјето на шпанскиот дизајнер Фелипе Варела.
Елегантниот фустан, Летиција го надополни со бисерен накит. Станува збор за руски ѓердан кој се предава од кралица на кралица и обетки кои ѝ се подарок од кралот Фелипе.
На првиот ден на свечениот настан, Летиција носеше црн комбинезон од Варела и обетки со црни дијаманти.
