Париз и Милано во изминативе седмици беа локациите каде што се креираа трендовите за машката облека за сезоната есен/зима 2012-2013. Фотографиите кои можете да ги видите подолу не прикажуваат ликови од хорор филм и не се комична интерпретација на модата, тие се директно од модните писти во Париз.
Разбирливо е дека модата е креативна уметност, но некои дизајнери очигледно избраа поекстремен начин да ја прикажат својата модна визија. Дизајнерите Волтер Ван Бирендонк и Том Браун особено привлекоа внимание со морничавите маски на лицата на моделите и страшните силуети.
На ревиите можеа да се видат многу сукњи, судир на различни принтови и бои, маски од најразлични типови... Погледнете некои од најчудните изгледи на манекените.
