Само неколку недели пред премиерата на новиот филм за Ана Каренина, објавена е модна колекција инспирирана од гламурозната хероина на Лав Толстој.
Брендот „Banana Republic“, кој минатата година направи колекција инспирирана од стилот во хит-серијата „Mad Men“, пушти во продажба колекција за вистинските дами.
Елегантната облека и впечатливите модни додатоци се модерен спој на сензибилноста на 70-тите години на деветнаесеттиот век и строгите силуети карактеристични за 50-тите години на дваесеттиот век.
„Ги зедовме клучните елементи од 70-тите години на деветнаесеттиот век, софистицирани бои, ткаенини и прекрасни детали, и ги пренесовме на современа облека“ – изјавил Сајмон Нин, креативниот директор на „Banana Republic“.
Колекцијата е резултат на соработка помеѓу Сајмон и костимографката на филмот „Ана Каренина“, Жаклин Дуран.
