Кети Пери моментално го обиколува светот благодарение на многуте закажани концерти во рамките на музичката турнеја Prismatic. А за време на една од паузите, таа сними елегантна фотосесија за „Harper’s Bazaar“.
Актуелната пејачка позираше во црвени и розови креации од Шанел, Џорџо Армани, Фенди, Каролина Ерера и Прабал Гурунг, како и модни додатоци од Хари Винстон, Кристијан Лобутин и Оскар де ла Рента, пред популарната фотографка Камила Акранс.
Наскоро Пери ќе го прослави својот 30. роденден. За влегувањето во новата деценија од животот, таа рекла: „Имам слушнато дека 30-тите години се подобра верзија на 20-тите, бидејќи знаеш што сакаш за себе.“
Во интервјуто за списанието, Пери открила и што сака да поседува нејзиниот иден партнер: „Отсекогаш ме привлекувале џентлмени со богат вокабулар... Смисла за хумор – некој што ќе ме смее, некој што е чувствителен, некој што ја сака и разбира музиката и кој е навистина умен.“
Од турнејата Prismatic се очекува Пери да заработи околу 100 милиони долари.