ФОТО: Ќерката на Синди Крафорд во креација од Зухаир Мурад на премиерата на својот прв филм
Синди Крафорд има со што да се гордее. Покрај многуте ангажмани како модел, нејзината ќерка Каја Гербер заплива и во филмските води.
На премиерата на својот прв филм „Sister Cities“ во Лос Анџелес, 14-годишната девојка се појави во елегантна црна креација од Зухаир Мурад и сандали од брендот Alexa Wagner.
На настанот, младата актерка и модел доби поддршка од целото свое семејство. Супермоделот Синди Крафорд, нејзиниот сопруг Ренди Гербер и синот Пресли со широка насмевка позираа покрај Каја.
Главните улоги во филмот „Sister Cities“ ги толкуваат Стана Катиќ, Џес Вaјкслер, Мишел Трахтенберг, Тројан Белисарио, Џеки Вивер и Алфред Молина.
