Кендис Сванапул блескаше посилно од градникот од 10 милиони долари на Victoria’s Secret. Синоокиот ангел во Њујорк го претстави милионскиот градник кој ќе го носи на претстојната ревија на познатиот бренд.
На настанот 25-годишната убавица од Јужна Африка привлекуваше погледи во „златна“ креација на Зухаир Мурад од колекцијата ресорт 2014.
„Royal Fantasy Bra“ е изработен од 18-каратно злато врз кое се поставени повеќе од 4.200 скапоцени камења, меѓу кои рубини, дијаманти и жолти сафири. Во центарот на градникот стои 52-каратен рубин во форма на круша, а заедно со градникот доаѓа и колан изработен во истиот стил.
