H&M и Balmain конечно ги открија рекламните фотографии од возбудливата модна соработка. За кампањата беа ангажирани Кендал Џенер, Џордан Дан, Џиџи Хадид, Дадли О'Шонеси и Хао Јуен Сјанг.
„Кога го сакаш светот на Balmain, ги сакаш и моделите кои се дел од него. Кендал, Џиџи и Џордан се мои пријателки и тие се совршениот избор за кампањата на Balmain и H&M“ – изјавил Оливие Рустан, креативниот директор на Balmain.
Кампањата беше снимена под палката на Марио Соренти.
Рустан дизајнираше лимитирана колекција за шведскиот бренд. Капсулната колекција вклучува машка и женска облека, обувки и модни додатоци и ќе биде достапна од 5 ноември во 250 продавници на H&M низ светот и онлајн.
H&M секоја година остварува соработка со светски познати дизајнери и модни куќи. Претходно славниот бренд соработуваше со Донатела Версаче, Карл Лагерфелд, Lanvin, Стела Мекартни и Jimmy Choo.