Кендал Џенер е една од миленичките на Оливие Рустан, креативниот дизајнер на Балман, па сосема очекувано беше дека ќе дефилира на новата ревија во Париз.
19-годишната манекенка привлече огромно медиумско внимание кон шоуто на Балман, појавувајќи се во две креации од колекцијата пролет/лето 2016.
На ѕвездената ревија парадираше армија славни модели меѓу кои и сестрите Џиџи и Бела Хадид, Дауцен Крус, Џоан Смолс, Изабели Фонтана, Лили Олдриџ, Алесандра Амбросио и Тејлор Хил.
Во првиот ред на ревијата место добија многу славни гостинки како Ана Винтур, главната уредничка на „Вог“, блогерките Кијара Ферањи и Кристина Базан и актерката Џејда Пинкет Смит.
Само еден ден пред големото шоу, Рустан беше фотографиран во Париз со Џиџи и Кендал, кои беа облечени во провокативни креации.
